Jab se tumhe dekha,
Meri dhadkan badh gai hai,
Yeh saansein bhi ab mujhse,
Kuch kuch yeh keh rahi hai,
Tu hi hai,
Jeene ki meri tamanna,

Tu jo paas se guzri,
Meri neendein ud gai hain,
Khwabon ke mahal mein,
Raatein yun kat rahi hain,

Yeh dil dhak dhak karta hai,
Bas chahta tujhe hai paana,
Tumse yun milne,
Dhoondhta hai koi bahana,

Tere chehre ki muskurahat,
Mujhe chhu kar yun nikal gai,
Bhul gaya main rona,
Bas hansi hi sath reh gai,

Kuch aisa asar kiya tumne,
Main sote sote jaagta hun,
Sapnon ke jahan mein,
Khyalon ke pul bandhta hun,

Jab se tumhe dekha,
Meri dhadkan badh gai hai,
Yeh saansein bhi ab mujhse,
Kuch kuch yeh keh rahi hai,
Tu hi hai,
Jeene ki meri tamanna.

Copyright © 2016, Aashish Barnwal,  All rights reserved.