This poem is dedicated to our old nostalgic childhood days. Days when we were innocent and life was simpler. People who grew up in 90s would feel and understand this better because they have lived those golden days. Hope this verse let you relive those moments. Let this verse drown you into those memory chains.

Bachpan ke woh din jab hum khub mastiyan karte the,
Nadan bade the, kisi se hum na darte the,
Kitni saral thi zindagi hamari,
Phir bhi bade khush rahte the,

Jab chhoti ungli chhu lene bhar se dosti ho jaya karti thi,
Nafrat aur jaatiwaad hume samajh na ati thi,
Jab garmi ki chhutiyon mein kulfi ko mann lalchata tha,
Masterji ki ek chhadi se pura homework ho jata tha,
Jab tv par do hi channel ata tha,
Jab tales pin aur shaktiman hame bahut bhata tha,
Jab ghar mein ek hi phone ki ghanti bazti thi,
Jab doston ke sath badi shararat hoti thi,
Jab pokemon go nahi, luka chhupi ki masti thi,
Baarish ke mausam mein kagaz ki kasti thi,
Jab google maps nahi, logon se pata puchha karte the,
Apni soch ko facebook nahi, bas diary mein likh diya karte the,

Woh nani ke ghar jane ko bade utavle hote the,
Pepperment ki toffiyon ke liye hum fut fut ke rote the,
Woh pariyon ki kahaniyan sune bina neend kahan ati thi,
School mein mummy papa ki yaad badi satati thi,
Jab class mein top kar puri duniya jeet lete the,
Papa ke gifts bade anokhe hote the,
Utni khushiyan toh aaj kisi cheez se nahi milti hain,
Ab samajh aya khwaishein toh maa baap ke paison se hi puri hoti hain,

Woh bachpan kitna suhana tha,
Khushiyon ka khazana tha,
Bachpan mein log pucha karte the,
Bade hokar kya banna hai,
Jawab ab samajh aya,
Phir se bachcha banna hai,
Woh bachpan ke din kahan gaye,
Yaaron hum kyun bade ho gaye.

PS: I will add the english translation soon.

Copyright © 2016, Aashish Barnwal,  All rights reserved.