Tere khyalon mein

Raat din tere khyalon mein duba rahun,
Ik pal bhi tumhe na main bhula karun,
Har dua mein tumhe hi bas pucha karun,
Inn aahton mein tumhe dhundhta firun,

Teri parchhaiyon ka main pichha karun,
Teri har zikr mein main fikr karun,
Tu anzaan hai agar mere iss pyaar se,
Aa tujhko apni chahat se rubaru karun,

Ab toh aadat hai iss kadar tere sath ki,
Tere bin yeh zindagi hai bina saans ki,
Umeed ki sau kiranein hain palkon pe mere,
Jehn mein chhapi hai dastan ishq ki tere,

Main hun shayar tera, tu meri shayari,
Tu keh de toh likh dun main ik diary,
Saare panno pe honge tere ishq ki talab,
Mujhe zamane ki parwaah nahi hai ab,

Tu mera armaan hai, tu mera aasman,
Teri jaisi haseen iss jahan mein kahan,
Main toh zinda hun tere liye hi sanam,
Tu jo sath ho, mushkilein ho jayein kam,

Shab se subah tak tumhe socha karun,
So bhi jaun phir bhi tumhe dekha karun,
Raat din tere khyalon mein duba rahun,
Ik pal bhi tumhe na main bhula karun,
Raat din tere khyalon mein duba rahun,
Ik pal bhi tumhe na main bhula karun.

Copyright © 2016, Aashish Barnwal, All rights reserved.

Your email address will not be published. Required fields are marked *

*

Social media & sharing icons powered by UltimatelySocial
Facebook
LinkedIn
SOCIALICON
Instagram
YouTube
%d bloggers like this: