Hindi poetry

Khoya rahun tere ishq mein iss qadar,
Tanha dil bhatakta rahe dar badar,
Teri yaadein yun saza ho gai,
Zindagi tere bin fanaa ho gai,

Mera ruh har pal chahe sath tumhara,
Tere bina ek pal bhi jeena nahi gawara,
Har ashk mein hai yaadein teri,
Dua hai, tu har janam mein ho jaye meri,

Main tere yaad mein khoya rahun,
Main tere yaad mein khoya rahun,
Main woh shayar jiska,
Tere bin na koi shayrana,
Main woh shayar jiska,
Tere bin na koi shayrana,

Bechain si hain raatein meri,
Kaise kate yeh zindagi saari,
Har pal tu hoti mere sath,
Ek baar bas thaam le tu mera hath,

Tere bina feeka lage sab,
Har sans mein tu hi tu ab,
Tu dur hai toh maine jaana piya,
Tujh bin kaise yeh dhadke jiya,

Main tere yaad mein khoya rahun,
Main tere yaad mein khoya rahun,
Main woh shayar jiska,
Tere bin na koi shayrana,
Main woh shayar jiska,
Tere bin na koi shayrana.

Copyright © 2016, Aashish Barnwal,  All rights reserved.

Read more

Yeh kaisa chhaya hai saman,
Yeh dil jaane khoya hai kahan,
Yeh badal garazne lage,
Bin mausam barasne lage,

Aisa kyun hota hai mere yaar,
Kya yahi hota hai pyaar,
Aisa kyun hota hai mere yaar,
Kya yahi hota hai pyaar,

Teri jikar mein dil dhadakne laga,
Teri fikar mein yeh machalne laga,
Mujh par kaisa chhaya khumaar,
Kya yahi hota hai pyaar,

Raat bhar main soya nahin,
Teri yaadon mein khoya kahin,
Yeh kya hua hai mujhe yaar,
Kya yahi hota hai pyaar,

Yeh duniya badala sa laga,
Bin wazah muskurane laga,
Yeh hawayein kuch kahne lagi,
Ik khushboo si bahne lagi,
Har pal rahta tera intezaar,
Kya yahi hota hai pyaar,

Sapnon mein kyun ati baar baar,
Kya yahi hota hai pyaar,
Aisa kyun hota hai mere yaar,
Kya yahi hota hai pyaar,

Tere bina sab suna lage,
Yeh dil tadapne lage,
Tere bina ek pal yahan,
Jeena mushkil iss jahan,

Mujh par kaisa chhaya khumaar,
Kya yahi hota hai pyaar,
Kaise kahun mujhko hai pyaar,
Bas tumse hi mere yaar.

Copyright © 2016, Aashish Barnwal,  All rights reserved.

Read more

13,000 feet – That one minute of your life when you forget to breathe.

They said:”It’s now or never”. I said,”Let’s do it”.

G0055860.JPG

Kabhi kabhi alfaaz kam pad jate hain tajurba byan karne mein,
Aisa hi kuch ehsas sa tha,
Ik khamoshi si thi maano hawa mein tairti,
Jo kah rahi thi, haule haule, fusfusate hue,
Parindon ki tarah hawa mein aazad rahna sikho,
Mehsoos karo apne dil ki dhadkanon ko,
Ud chalo inn madhosh si hawaon mein kahin,
Jee lo zindagi ke iss pal ko,
Kuch yun sammohit kar gaya tha woh lamha,
Piche rah gaye zindagi ke saare haseen pal,
Kash woh waqt ko wahin thaam pata,
Kash woh waqt wahi tham jata,
Mehsoos hua zindagi ki bediyon se aazad hokar kaisa lagta hai,
Gote lagate hawa ko cheerte cheel ki tarah,
Woh dubte suraj ki surkh lahu si khoobsurti,
Woh neela khula aasman aur main, sirf main,
Na tanhaiyaan, na kuch khone ki fikar,
Kaise kuch pal mein itni saari yaadein yun sama jati hain,
Ki alfaaz kam pad jate hain tajurba byan karne mein.

You get to live life once. But if you do it right, once is enough

G0025823.JPG

G0055843.JPG

G0055853.JPG

G0055854.JPG

G0055855.JPG

G0055856.JPG

G0055857.JPG

G0055859.JPG

G0055862.JPG

G0055866.JPG

G0055867.JPG

G0055869.JPG

G0055872.JPG

G0055873.JPG

G0065887.JPG

G0065890.JPG

G0065894.JPG

Copyright © 2016, Aashish Barnwal,  All rights reserved.

Read more

Tumse hai mil kar aise,
Lagta hai mujhko jaise,
Dil ko mil gaya hai,
Ik naya rasta,

Chhapi hai tasveer teri,
Bheege inn palkon pe meri,
Tujhme paata main khud ko,
Tu mera jahan,

Tu jo ayi zindagi mein meri,
Neendein ud gai hain saari,
Kabhi na ho fansle,
Tere mere darmiyan,

Hain baaton mein teri,
Jadoo ki jhappi aisi,
Tu ho gai hai meri,
Jeene ki wazah,

Tere sang beete ghante aise,
Lagta hai lamhe jaise,
Yun hi kat jaye waise,
Yeh zindagi,

Falak tak jaake meri,
Aawazein kuch aise pahuchi,
Rab ne de di hai,
Saari khushiyan,

Tu jab na ho toh aise,
Lagta hai mujhko jaise,
Ek shayar ho gaya hai,
Bin shayari,

Tu hi hai manjil meri,
Tu iss sahil ki kashti,
Teri saari mushkilein meri,
Tere bin zindagi adhuri,

Tu hai sanson mein meri,
Meri har dhadkan hai teri,
Meri namaazon mein hai,
Tera chehra,

Tere bin har lamha aise,
Lagta hai sadiyon jaise,
Main hun chaand tera,
Tu mera aasman,

Hai rab se ibadat meri,
Tu har janam mein ho jaye meri,
Har pal hum sath rahe aise,
Jaise ek shayar aur uski shayari.

Copyright © 2016, Aashish Barnwal,  All rights reserved.

Read more

Aur ek khamosh lamha sab kuch keh gaya,
Jo baatein itne saalon mein alfaazon se byan na ho saka,
Woh pedon ke niche hathon mein hath chalna,
Woh kaliyon ka muskurana, woh gulabon ki khushboo,
Woh sung gaaye geeton ki yaadein,
Woh subah ka ruthna aur shaam hone tak manana,
Ek dusre ki nigahon mein yun taktaki lagaye rahna,
Yun intezaar mein aankhein bichhaye rahna,
Jab ek pal ki bhi der mein sadiyan nikal jati thi,
Woh har pal mein ek nayi zindagi jeena,
Phir kuch yun badal gaya sab kuch,
Jaise mausam ne li ho ek nayi angadai,
Band ho gaye yun sanchar ke saare sadhan,
Na hansna hasana, na ruthna manana,
Grahan lag gaya ho maano chand mein,
Aur ek din anayas hi hum mil pade,
Unhi pedon ke bich,
Wahi muskurati kaliyan, wahi gulabon ki khushboo,
Badla tha toh bas yeh,
Ki uske hathon mein thi chudiyon ki chamak,
Aur aankhon mein neelam se bahte aansoo,
Lafzon mein kuch byan na ho saka,
Aur ek khamosh lamha sab kuch keh gaya.

Copyright © 2016, Aashish Barnwal,  All rights reserved.

Read more
Social media & sharing icons powered by UltimatelySocial
Facebook
LinkedIn
SOCIALICON
Instagram
YouTube