Aadat

Ab tu hi tu inn saanson mein hai,
Teri jikar har baaton mein hai,
Tu kyun nahi hai mere rubaru,
Tujhe haasil karne ki hai bas aarzoo,

Yun kaatil nigahon se ghayal karke,
Kahan ud chali mujhe deewana karke,
Mujhe ab so jaane de,
Teri yaadon mein kho jaane de,

Ab tu hi tu inn saanson mein hai,
Har gham ki dawa tu hi hai,
Mera rasta bhi tu, meri manzil bhi tu,
Meri har sawal ka jawab bas tu hi tu,

Ab mujhe teri yaadon mein jee lene de,
Iss gham ke aansoo ko pi lene de,
Kuchh aisa mujhpe asar karke,
Kahan gai mera chain leke,

Kaise kahun mujhe teri aadat hai,
Tu hi bas meri chaahat hai,
Mujhe ab so jaane de,
Teri yaadon mein kho jaane de,

Meri har ghazal mein tu hi hai,
Teri jikar har lafz mein hai,
Kuchh aisa mujhpe asar karke,
Kahan ud chali mujhe deewana karke.

Copyright © 2016, Aashish Barnwal,  All rights reserved.

Your email address will not be published. Required fields are marked *

*

Social media & sharing icons powered by UltimatelySocial
Facebook
LinkedIn
SOCIALICON
Instagram
YouTube
%d bloggers like this: